Չինաստանից դրամ կեղծողները սովորել են հանճարեղ կերպով կեղծել 1 եվրոյի մետաղադրամը եւ հիմա, հավանաբար, կփորձեն նույնն անել նաեւ դիզայնով շատ նման 2 ֆունտ սթեռլինգի պարագայում: Այս մասին գրում է բրիտանական The Independent-ը:
Պարբերականի փոխանցմամբ, վերջերս Իտալիայում առգրավել են Չինաստանից բերված կեղծ մետաղադրամների բեռը՝ 500 հազար եվրո ընդհանուր արժողությամբ: Սա եվրոյի կեղծված մետաղադրամների ամենախոշոր առգրավումն է Եվրոպայի պատմության մեջ:
Ըստ «Ինտերֆաքս»-ի, բրիտանական կողմը պարզաբանել է, որ 2 ֆունտ սթեռլինգը կեղծելու համար բարդ սարքավորումներ են անհրաժեշտ, որոնք չինացի կեղծարարները, ամենայն հավանականությամբ, դեռեւս չունեն:
