Delta Airlines-ի Ատլանտայից Լոս Անջելես մեկնող Boeing 767-300 օդանավը անկարգ ուղեւորի պատճառով հարկադիր վայրէջք է կատարել Ալբուկերկե քաղաքի օդանավակայանում:
Albuquerque Journal տեղական թերթին Ալբուկերկեի Sunport միջազգային օդանավակայանի ներկայացուցիչը հայտնել է, որ 81 չվերթը հարկադիր վայրէջք է կատարել տեղի ժամանակով 18.00-ի եւ 19.00-ի միջեւ: Ուղեւորներից ոչ ոք չի տուժել, փոխանցում է «ՌԻԱ Նովոստին»:
Հաղորդվում է, որ տղամարդը, որի պատճառով օդաչուն որոշել է վայրէջք կատարել, հեռացվել է օդանավից: Ավելի ուշ Boeing-ը թռել է Լոս Աջելես, ուր վայրէջք է կատարել տեղի ժամանակով 20.16-ին: Սպասվում է, որ անկարգ ուղեւորը Լոս Անջելես կկարողանա մեկնել ավելի ուշ:
