Իոնյան ծովում աղետի ենթարկվող Norman Atlantic նավի վրա Երեւանի ժամանակով 09.00-ին, մնում է 227 մարդ, 251 ուղեւորների փրկել են, հաղորդում է Իտալիայի ռազմածովային ուժերի մամուլի ծառայությունը:
«251 մարդ փրկված է, 227-ը դեռ մնում են նավի վրա»,-ասված է Իտալիայի ՌԶՈՒ-ի Twitter-ի պաշտոնական էջում:
Հիշեցնենք, որ իտալական The Norman Atlantic նավը այրվել է Հունաստանի Պատրա նավահանգստից իտալական Անկոնա ուղեւորության ժամանակ: Նավից աղետի ազդանշան է ուղարկվել, երբ այն գտնվում էր Օտոնա կղզուց 33 ծովային մղոն հեռավորության վրա:
Ադրիատիկ ծովում այրվում է իտալական զբոսանավը՝ 466 ուղեւորներով
Հրդեհը բռնկվել է նավի բեռնատար հատվածում, որը կարող է տեղափոխել մոտ 200 ավտոմեքենա:
Լրատվամիջոցների փոխանցմամբ, գիշերը նավի վրա քաոս է եղել: Նավը քաշող պարանը մի քանի անգամ կտրվել է, նավը 7 աստիճանով թեքվել է:
Փրկարար նավակներով կանանց ու երեխաներին նավից դուրս են բերել երկու հունական տրանսպորտային նավեր: Մնացած ուղեւորներին խնդրել են չլքել նավը, բարձրանալ տախտակամած, կրակից հեռու մնալ եւ սպասել: Այս պահին նավը քարշակով տեղափոխում են Ալբանիայի ափերի մոտ, որը պատրաստ է ընդունել իտալական Norman Atlantic-ը:
Անհետ կորածներ չկան, զոհվել է Հունաստանի մեկ քաղաքացի. Նա խուճապի մեջ փորձել է հասնել փրկարար նավակին, նետվել է ջուրն ու մահացել սառելու հետեւանքով: Մնացած ուղեւորներին քաղաքացիությունը ճշտվել է. 234-ը Հունաստանի քաղաքացիներ են, 6-ը՝ Ավստրիայի, 10-ը՝ Շվեյցարիայի, 4-ն Իտալիայի, երկուսը՝ Ռուսաստանի: