Մոսկվայում ձերբակալվել են փրկագին ստանալու նպատակով մարդ առեււանգած Հայաստանի հինգ քաղաքացիներ։
Ոստիկանություն է ներկայացել մի տղամարդ, ով պատմել է, որ անհայտ մարդիկ անազատության մեջ են պահում իր որդուն՝ պատճառաբանելով, որ նա իբրեւ թե վթարի արդյունքում վնասել է երկու ավտոմեքենա։ Նրան ազատ արձակելու համար առեւանգողները 50 հազար ռուբլի են պահանջել։
Հանցագործների հետ հանդիպմանը առեւանգվածի հոր հետ եկել են նաեւ ոստիկանները։ Փողը փոխանցելու պահին Հայաստանի քաղաքացի է ձերբակալվել։ Մնացած չորս կասկածյալները զինված դիմադրություն են ցույց տվել։ Երիտասարդը ազատ է արձակվել, փոխհրաձգության արդյունքում ոչ ոք չի տուժել։