Երեւանի «Սուրբ Աստվածամայր» բժշկական կենտրոնի 4-րդ հարկից հունվարի 8-ին ընկած` Տավուշի մարզի Բերդավան գյուղի բնակիչ Գարիկ Նավասարդյանի վիճակը կայուն է:
NEWS.am-ի թղթակցի հետ զրույցում բժշկական կենտրոնի տնօրեն Նիկոլայ Դալլաքյանը հայտնեց, որ Գարիկը, բարեբախտաբար, ոչ մի վնասվածք չի ստացել:
«Գարիկ Նավասարդյանն արդեն 2 ամիս բուժվում է մեզ մոտ, ոտքն է վիրահատված: Դեպքի օրն էլ նստել է պատուհանին, ծխել ու ընկել ցած: Բարեբախտաբար, ընկնելու հետևանքով ոչ մի վնասվածք չի ստացել: Հիմա շարունակում է իր նախկին բուժումը` ոտքի հետ կապված»,- ասաց Դալլաքյանը:
Նշենք, որ փաստի առթիվ ոստիկանության Շենգավիթի բաժնի հետաքննչական բաժանմունքում նյութեր են նախապատրաստվում: