Գյումրիում հունվարի 11-ի լույս 12-ի գիշերը գյումրեցի ընտանիքի 6 անդամներին սպանելու մեջ կասկածվող Վալերի Պերմյակովը, NEWS.am-ի տեղեկություններով, 6 ամսվա ծառայող է, Գյումրիում ծառայության էր տեղափոխվել դեկտեմբերի 3-ին:
Մեր տեղեկություններով`Վալերի Պերմյակովը նախքան բանակ զորակոչվելը եղել է իրավապահների հսկողության տակ, նրա եղբայրը դատապարտված է, մարդասապանության համար պատիժ է կրում ՌԴ-ում:
Ավելի վաղ NEWS.am-ը գրել էր, որ հունվարի 12-ին Գյումրիի Մյասնիկյան փողոցի տներից մեկում ընտանիքի 6 անդամներին գտել են սպանված: Նրանց վրա հրազենային վնասվածքներ են եղել: Սպանվածներից հինգը չափահաս են եղել, մեկը՝ մանկահասակ երեխա: Սպանության հիմնական կասկածյալը ռուս զինվորական Վալերի Պավելի Պերմյակովն է:
