ՆԱՏՕ-ի տեսակետից, Եվրասիական տնտեսական միությանը Հայաստանի անդամակցության, ՀԱՊԿ-ին վերջինիս անդամության եւ ՆԱՏՕ-ի հետ համագործակցության զարգացման միջեւ հակասություններ չկան: Այդ մասին այսօր՝ հունվարի 15-ին, մամուլի ասուլիսի ժամանակ հայտարարել է Հարավային Կովկասում եւ Կենտրոնական Ասիայում ՆԱՏՕ-ի գլխավորության հատուկ ներկայացուցիչ Ջեյմս Ապաթուրայը:
Անդրադառնալով Հայաստանի նախագահ Սերժ Սարգսյանի հետ հանդիպմանը՝ ՆԱՏՕ-ի ներկայացուցիչը նշել է. «Ես ՆԱՏՕ-ի անունից երախտագիտություն եմ հայտնել նախագահին, որ վերջինս մասնակցել է Ուելսում կայաացած ՆԱՏՕ-ի գագաթնաժողովին: Դա խորհրդանշում է ամուր եւ կայուն համագործակցություն: Մենք մեր կողմից ցույց ենք տալիս, որ հարգում ենք հավասարակաշռված արտաքին քաղաքականությունը»: Այն փաստը, որ Հայաստանը ՀԱՊԿ-ի, ինչպես նաեւ ԵՏՄ-ի անդամ է, ոչ մի կերպ չի խոչընդոտում Հայաստանի եւ ՆԱՏՕ-ի հարաբերությունների հետագա զարգացմանը:
Հիշեցնենք, որ 2015թ. սկզբից Հայաստանը դարձել է Եվրասիական տնտեսական միության լիիրավ անդամ: ԵՏՄ-ին անդամության պայմանագիրը ստորագրվել է 2014թ. հոկտեմբերի 10-ին:
