Երեւանում ընթանում է «Տեղեկատվական ազատությունը Կովկասում» խորհրդաժողովը։
Ռուսաստանի, Վրաստանի, Հայաստանի եւ ԱՄՆ-ի լրատվամիջոցների ներկայացուցիչներից բացի դրան մասնակցում են ադրբեջանցի հինգ լրագրողներ։ Նրանց թվում են «Ենի նեսիլ»-ի ղեկավար Արիֆ Ալիեւը, հեռուստալրագրող Գուլու Մագերամլին, Մեդիա իրավունքի ինստիտուտի ղեկավար Ռաշիդ Հաջիլին, «Ուչ նոգտե» թերթի խմբագիր Խոշգեդեմ Բախշալիեւը եւ լրագրող Ասեֆ Գուլիեւը։
«Տեղեկատվական ազատությունը Կովկասում» խորհրդաժողովը անցկացվում է երկրորդ տարին։ Առաջին խորհրդաժողովը տեղի է ունեցել Թբիլիսիում։ Հաջորդ տարի այն կանցկացվի Բաքվում։