Ռուսաստանին կարող են արգելել գնել Ռուսաստանից Հայաստան եկող մայրուղային գազատարի օբյեկտները։ Այս մասին հայտարարել է Վրաստանի իշխող «Ազգային միասնական շարժման» պատգամավոր Լաշա Տորդիան։
Նրա խոսքով, տենդերն անցկացնող հանձնաժողովը կարող է պնդել, որ գազատարը չվաճառեն Ռուսաստանին ազգային անվտանգության նկատառումներով:
Իրենց հերթին ընդդիմադիրները կարծում են, որ չկա այնպիսի մեխանիզմ, որը կարգելի Ռուսաստանին գնել գազատարը:
Ինչպես ավելի վաղ հայտնել էր NEWS.am-ը, գազատարը հանվել է սեփականաշնորհման ոչ ենթակա օբյեկտների ցանկից: Որպես հավանական գնորդներ նշվում էին ռուսական «Գազպրոմ», ղազախական «Կազմունայգազ» եւ ադրբեջանական «SOCAR» ընկերությունները:
