Microsoft ընկերությունը Office 2016-ը կթողարկի ընթացիկ տարվա երկրորդ կեսին։ Իր կորպորատիվ բլոգում այս մասին գրել է Microsoft-ի ներկայացուցիչ Ջուլիա Ուայթը;
«Մենք ակտիվ աշխատում ենք Office-ի հաջորդ թարմացման ուղղությամբ, որը Office 2016 անվանումը կստանա։ Office 2016-ի վերջնական տարբերակը կներկայացնենք 2015թ. երկրորդ կեսին», - նշված է բլոգում;
Այս տարի ավելի ուշ Microsoft-ը նախատեսում է թողարկել Office-ի ունիվերսալ տարբերակներ՝ Windows 10-ի օգտատերերի համար։ Դրանք կարող են օգտագործվել սմարթֆոններում, պլանշտներում, սենսորային էկրաններով նոութբուքերում եւ Windows 10-ով աշխատող այլ սարքերում։
Office-ի նոր տարբերակները կարող են ներդրվել Windows 10-ով աշխատող եւ 8 մատնաչափ անկյունագծից փոքր էկրանով պլանշետներում եւ սմարթֆոններում։
«Դուք չեք կարոտի ստեղնաշարին եւ մկնիկին», - ասում են Microsoft-ում։ Ավելի վաղ ընկերությունը անվճար էր դարձրել Office-ի հավելվածը iOS եւ Android պլատֆորմերով սարքերում։