Հյուսիսային Կորեան ԱՄՆ նախագահ Բարաք Օբամային պարտվող է համարել այն բանի համար, որ վերջինս շարունակում է քննադատել Փհենյանի ռեժիմը, հաղորդում է Agence France-Presse-ը:
Հաղորդվում է, որ հյուսիսկորեական իշխանությունները Օբամային մեղադրել են թշնամանքով լցված լինելու մեջ:
Նախորդ շաբաթ Օբաման հայտարարել էր, որ որոշ ժամանակ անց Հյուսիսային Կորեայում իշխող ռեժիմը կտապալվի, հաղորդում է Gazeta-ն:
Ավելի վաղ ԿԺԴՀ-ն Օբամային համեմատել էր փոքրիկ կապիկի հետ՝ մեկնաբանելով երկրում ինտերնետն անջատելու եւ Sony ընկերության դեմ հաքերային հարձակումների հետ կապված սկանդալը:
«Օբաման միշտ իրեն անմիտ է պահում խոսքով ու գործով, եւ նրա գործողությունները համեմատելի են անտառում փոքրիկ կապիկի վարքին»,-ասել է ԿԺԴՀ-ի ազգային պաշտպանության հանձնաժողովի ներկայացուցիչը:
