Էլդար Ռյազանովի վիճակը լավացել է եւ նրան վերակենդանացման բաժանմունքից հիվանդասենյակ են տեղափոխել, «Ինտերֆաքսին» հայտնել է ռեժիսորի ընտանիքին մոտ կանգնած աղբյուրը:
Ըստ գործակալության զրուցակցի՝ Ռյազանովի վիճակը պարբերաբար մեկ լավանում, մեկ վատանում է: Գոնե ինչ-որ չափի կայունացման մասին խոսել չի ստացվում», - ասել է նա:
ԽՍՀՄ ժողովրդական արտիստ Էլդար Ռյազանովը նոյեմբերի 24-ին տեղափոխվել էր Բուրդենկոյի անվան հիվանդանոց՝ «ուղեղին արյան շրջանառության սուր խանգարում» ախտորոշմամբ:
Նրան սովորական հիվանդասենյակ են տեղափոխել դեկտեմբերի 2-ին, սակայն դեկտեմբերի 8-ին կրկին վերակենդանացման բաժանմունք են ուղարկել: Այդ ժամանակ հաղորդվել էր, որ ռեժիսորի մոտ թոքաբորբ է ախտորոշվել:
