ՌԴ-ի նախագահ Վլադիմիր Պուտինը կարծում է, որ Ուկրաինայի քաղաքացիների (ամենից առաջ զորակոչային տարիքի) կեցության ժամկետը կարող է ավելացվել։
«Իմիջիայլոց, շատ մարդիկ արդեն խուսափում են հավաքագրումից, ցանկություն ունեն տեղափոխվել մեզ մոտ։ Եւ ճիշտ են անում, քանի որ նրանց միանգամից հրում են գնդակի տակ», - հայտարարել է Ռուսաստանի նախագահ Վլադիմիր Պուտինը։
ՌԴ-ի ղեկավարը նկատել է, որ ՌԴ-ի տարածքում Ուկրաինայի քաղաքացիների կեցության ժամկետը օրենքով սահմանափակված է։ «Նոր օրենքի համաձայն, Ուկրաինայի քաղաքացիները չեն կարող գտնվել ՌԴ-ի տարածքում 30 օրից ավելի։ Նրանք վերադառնում են եւ անմիջապես, նրանց գնդակի տակ են ուղարկում։ Ուստի մենք, հավանաբար, որոշ փոփոխություններ կմտցնենք», - ասել է նախագահը, հայտնում է «ՏԱՍՍ»-ը։
«Օրենքի շրջանակներում կարող ենք ավելացնել որոշակի կատեգորիաների, ամենից առաջ, զորակոչային տարիքի մարդկանց կեցության ժամկետը,», - հստակեցրել է պետության ղեկավարը: