Արգենտինայի նախագահ Քրիստինա ֆերնանդես դը Քիրշները մտադիր է ցրել ազգային հետախուզական ծառայութունը՝ դատախազ Ալբերտո Նիսմանի առեղծվածային մահից հետո, որը մեղադրանքներ էր ուղղում պետության ղեկավարին։ Այս մասին Քիրշները հայտարարել է երկուշաբթի՝ ազգային հեռուստատեսության եթերում, փոխանցում է ՏԱՍՍ-ը։
Ըստ նրա՝ ինքը համապատասխան օրինագիծ է ուղարկել խորհրդարանի քննարկմանը: Այն նախատեսում է գոյություն ունեցող Հետախուզության քարտուղարության լիկվիդացում, որի արմատները ռազմական բռնապետության ժամանակներում են, եւ նոր Հետախուզական դաշնային գործակալության ստեղծում: Նախագահը վստահ է, որ նման քայլը կնպաստի հատուկ ծառայության «թափանցիկությանը» եւ «կծառայի ազգային շահերին»:
