Ճապոնիայի կառավարությունը հաստատել է «Իսլամական պետության» զինյալների կողմից պատանդ վերցված Ճապոնիայի քաղաքացի Կենձի Գոտոյի մասնակցությամբ տեսանյութի իսկությունը, հաղորդել է կառավարության գլխավոր քարտուղարի տեղակալ Կացունոբու Կատոն:
Նրա խոսքով՝ սպասվում է, որ Գոտոյին Հորդանանին բանտում գտնվող ահաբեկչուհու հետ փոխանակելու պահանջով վերջնագրի ժամկետը կավարտվի հունվարի 29-ին, Տոկիոյի ժամանակով 23:00-ին:
Հունվարի 24-ին համացանցում էր հայտնվել ճապոնացի լրագրող Կենձի Գոտոյի մասնակցությամբ տեսանյութը, որտեղ նա պահում է երկրորդ պատանդի՝ գլխատված Հարունա Յուկավայի լուսանկարը: Կադրից դուրս ձայնը անգլերենով պահանջել է բանտից ազատել մահապարտ-ահաբեկչուհի Սաջիդու ար-Ռիշաուին:
Լրագրողը ճապոնական իշխանություններին կոչ է անում «հնարավորինս արագ նպաստել հորդանանյան բանտից» մահվան դատապարտված ահաբեկչուհու ազատ արձակմանը՝ մատնանշելով, որ «դա իր վերջին ուղերձն է եւ նրան մնացել է ընդամենը 24 ժամ», - հայտնում է «Վզգլյադը»:
