Ն.Ս.Օ.Տ.Տ Գարեգին Բ Ամենայն Հայոց կաթողիկոսը այսօր՝ հունվարի 28-ին, բանակի կազմավորման 23-ամյա տարեդարձին, Մեծի տանն Կիլիկիո կաթողիկոս Ն.Ս.Օ.Տ.Տ Արամ Ա-ի եւ այլ բարձարստիճան պաշտոնյաների հետ այցելեց «Եռաբլուր» պանթեոն ծաղիկներ դրեց զոհվածների հիշատակին նվիրված հուշարձանին եւ իր շնորհավորանքն ուղղեց բանակին (ֆոտոռեպորտաժ)։

«Հոգու բերկրանքով եւ ուրախությամբ փառք ենք առ Աստված բարձրացնում, որ տերը շնորհիվ հայոց բանակի խաղաղ է պահում հայրենի մեր երկիրը եւ այդ խաղաղությունը մեզ տռրվում է ծանր գնով, մեր զինվորների կյանքի գնով։ Մենք հայցում ենք երկնավորից, որ իր օրհնության ներքո պահի, անվրդով ու ապահով պահի հայրենի մեր երկիրը եւ երկնքի լուսավոր օթեւանններում պահի մեր նահատակ որդիների հոգիները։ Թող տերը միշտ զորեղ ու հաղթական պահի հայոց բանակը, որպեսզի մեր ժողովրդի կյանքը ստեղծագործ լինի եւ բարօրության մեջ»,-ասաց նա։

 Անդրադառնալով սահմանին վերջին շրջանում ստեղծած լարված իրավիճակին, կաթողիկոսն ասաց, որ Ադրբեջանը դրանով ձգտում է լարվածության մեջ պահում մեր երկիրը եւ ժողովրդին։

«Ադրբեջանը մշտապես նման սադրիչ գործողություններ է իրականացնում եւ լարվածության մեջ պահում մեր ժողովրդին եւ երկիրը, եւ ցավում ենք, որ մենք զոհեր ենք ունենում։ Այն, որ տրվում են այդ գործողություններին համարժեք պատասխան, մենք վստահ ենք, որ հայոց բանակի կողմից տրվող գործողությունները կարող են զսպվածություն առաջացնել»,-ասաց կաթողիկոսը։