ԱՄՆ առաջին տիկին Միշել Օբամայի մասնակցությունը Սաուդյան Արաբիայի թագավորի մահվան հետ կապված սգո արարողությանը քննադատության ալիք է բարձրացրել լրատվամիջոցներում եւ հասարակության շրջանում: Քննադատության առարկան եղել է Բարաք Օբամայի կնոջ արտաքին տեսքը. Նա հրաժարվել է գլխաշոր կրել թաղման ժամանակ եւ ներկայացել է կապույտ կոստյումով:
Մի շարք լրատվամիջոցների փոխանցմամբ, Սաուդյան Արաբիայի պետական հեռուստատեսությունը երկրի նոր միապետ Սալմանի հետ Բարաք եւ Միշել Օբամաների հանդիպումից կադրեր հեռարձակելիս շաղել է ոչ պատշաճ հագնված Միշել Օբամայի պատկերը:
Սաուդյան Արաբիայի բնակիչները վրդովվել են, որ Միշել Օբաման հրաժարվել է գլխաշոր կրել այցի ողջ ընթացքում: Նրանք նշել են, որ Միշել Օբաման սեւ զգեստի փոխարեն ընտրել է կապույտ բլուզ եւ բծավոր ժակետ:
The Breaking News Items-ը առաջ է քաշում ենթադրություն, որ Միշել Օբամայի այս դեմարշը պատասխան է կանանց նկատմամբ բռնությունների:
The International Business Times-ն էլ նկատում է, որ Ինդոնեզիա այցի ժամանակ Միշել Օբաման գլխաշոր է կրել: