«Ուկրաինայի նաֆթոգազը» դիմել է Ստոկհոլմի Արբիտրաժային դատարան՝ «Գազպրոմի» հետ տարանցիկ պայմանագրի վերանայման հայցով: Հայցապահանջի ընդհանուր գումարը կազմում է 6,2 մլրդ դոլար:
Մասնավորապես «Նավթոգազը» 3,2 մլրդ դոլար է պահանջել՝ որպես փոխհատուցում տարանցման համար ներկայացված վառելիքի ոչ բավարար ծավալների համար: Բացի այդ, ձեռնարկության ներկայացուցիչները խնդրում են ճանաչել, որ պայմանագրի որոշ դրույթներ կարող են վերանայվել՝ Ուկրաինայի ու ԵՄ-ի էներգետիկ եւ հակամենաշնորհային օրենսդրությանը համապտասխան: Վերջապես, «Նաֆթոգազը» պահանջում է փոխանցել «Ուկրտրանսգազի» տարանցիկ պայմանագրով իր իրավունքներն ու պարտավորությունները:
Անցած տարվա արդյունքներով՝ Ուկրաինայի տարածով գազի տարանցումը կրճատվել է1/3 մասով: «Ուկրտրանսգազի» տվյալներով՝ 2014թ. ռուսական վառելիքի տարանցումը կրճատվել է 28 %-ով՝ մինչեւ 62,2 մլրդ խմ: Եվրոպական երկրների համար 59,4 մլրդ խմ է փոխադրվել:
