Կիեւյան կամրջից հունվարի 29-ին նետված 15-ամյա աղջկա վիճակը զգալի կայունացել է: Այս մասին NEWS.am-ին ասաց «Արմենիա» բժշկական կենտրոնի վերակենդանացման բաժանմունքի վարիչ Սուրեն Մակարյանը:
Նրա խոսքով՝ աղջկան միացված արհեստական շնչառության ապարատն արդեն անջատել են, սակայն վիճակը շարունակում է ծանր մնալ:
Նշենք, որ 15-ամյա աղջիկը ընկնելու հետեւանքով ստացել է գլխուղեղի, կրծքավանդակի սալջարդ:
Հիշեցնենք, որ դեպքը պատահել էր հունվարի 29-ի երեկոյան: Աղջկան առաջինը նկատել են տարածքում աշխատող բանվորները եւ շտապօգնություն կանչել:
