ՀՀ կառավարությունը արտահանումը խթանող օրինագիծ է պատրաստել: Այս մասին Գործադիրի հունվարի 30-ի նիստում հայտարարել է միջազգային տնտեսական ինտեգրման և բարեփոխումների նախարար Վաչե Գաբրիելյանը: Ըստ նրա՝ դա արվում է հանրապետության մակրոտնտեսական կայունությունը բարձրացնելու համրա: Օրինագիծը խորհրդարանում կքննարկվի գարնանային նստաշրջանի սկզբին: Նույն նպատակով կառավարությունում շուտով կքննարկեն արտարժույթի առքուվաճառքի կետերի աշխատանքի հայեցակարգը:
Արտահանման եւ արտասահմանյան ներդրումների ներգրավման լավ նախադրյալներ կան, նկատել է Գաբրիելյանը: Հայաստանի ինքնիշխան եվրապարտատոմսերը, որոնք թողարկվեցին 2013թ.՝ տարեկան 6%-ով, 700 միլիոն դոլար արժեքով, երկրորդական շուկայում շրջանառվում են նույն դրույքով: «Շատ լավ կլինի, եթե հաջողվի նույն տոկոսներով վարկեր ստանալ», - հավելել է փոխվարչապետը: