Աջարիայի ինքնավար հանրապետության նախկին վարչապետ, Սահակաշվիլիի նախկին համախոհ Լեվան Վարշալոմիձեն նշանակվել է Ուկրաինայի նախագահ Պյոտր Պորոշենկոյի տնտեսական գծով խորհրդական:
Վրացական «Ռուստավի-2» հեռուստալիքի եթերում Վարշալոմիձեն հայտարարել է, որ ինքը 2014թ.-ի ապրիլից ուկրաինացի իր գործընկերների մասնակցել է երկրի տնտեսական եւ արդարադատության համակարգի բարեփոխումներին:
«Անելիքները շատ են: Բոլորը գիտեն, թե ինչպիսի դժվարին իրավիճակում է այսօր Ուկրաինան: Երբ ագրեսիա կա, ավելի ակտիվ պետք է իրականացվեն երկրին անհրաժեշտ տնտեսական բարեփոխումներ»,- հայտարարել է Վարշալոմիձեն:
Նշենք, որ Ուկրաինայի կառավարությունում մեծ թիվ են կազմում Վրաստանի նախկին կառավարության անդամները: Այսպես, Ներքին գործերի նախկին նախարարի տեղակալ Վանո Մերաբիշվիլի- Էկա Էգուլաձեն նշանակվել է Ուկրաինայի ՆԳ նախարարի առաջին տեղակալ, իսկ աշխատանքի եւ սոցիալական ապահավության նախկին նախարար Ալեքսանդր Կվիտաշվիլին՝ առողջապահության նախարար: Բացի դրանից՝ Վրաստանի արդարադատության նախկին նախարար Զուրաբ Ադեիշվիլին նշանակվել է վարչապետի խորհրդական:
