Հայաստանի ՏԿԱԻՆ-ում, այսօր՝ հունվարի 30-ին, ժամը 17.13-ին ահազանգ է ստացվել, որ Երեւանի Օհանովի փողոցի շենքերից մեկի հոգեպես անհավասարակշիռ վիճակում գտնվող քաղաքացին մոտեցել է պատուհանին եւ փորձում է ցած նետվել. անհրաժեշտ է օգնություն:
Դեպքի վայր են մեկնել ՃԿԿ ՕԽ-ն, ՀՆՓԱԻԿ փրկարար ջոկատը եւ մեկ մարտական հաշվարկ:
Պարզվել է, որ 26-ամյա Ս. Թ.-ն գտնվում է հոգեպես անհավասարակշիռ վիճակում (հաշվառված է հոգեբուժական կլինիկայում) փորձել է 6-րդ հարկի պատուհանից ցած նետվել, ինչը կանխվել է տեղի ուժերով:
Մինչ շտապօգնության հոգեբուժական բրիգադի ժամանելը` Ս. Թ.-ն գտնվել է ոստիկանների եւ փրկարարների հսկողության ներքո, այնուհետեւ տեղափոխվել է «Ավան» հոգեբուժական կլինիկա:
