Alibaba ընկերության հիմնադիր եւ տնօրենների խորհրդի նախագահ Ջեք Մայի կարողությունը նվազել է 1,4 մլրդ դոլարով՝ հասնելով 26,3 մլրդ դոլարի՝ իր ընկերության բաժնետոմսերի գնի անկման հետեւանքով: Այս մասին գրում է Bloomberg-ը:
Այսպիսով, Ման կորցրել է Չինաստանի ամենահարուստ մարդու տիտղոսը՝ տեղափոխվելով երկրորդ հորիզոնական:
Առաջին տեղում հայտնվել է Վան Ցզյանպինը, ում կարողությունը 400 մլն դոլարով ավելին է, քան Alibaba-ի հիմնադրինը: Վանը Wanda Cinema Line կորպորացիայի սեփականատերն է:
Հունվարի 29-ին Alibaba-ն ներկայացրել է իր առաջին հրապարակային ֆինանսական հաշվետվությունը: Ընկերության զուտ շահույթը ընթացիկ եռամսյակում կազմել է 964 մլն դոլար՝ նվազելով 28 տոկոսով:
Նման արդյունքը չի արդարացրել վերլուծաբանների սպասումները: Բաժնետոմսերի գների անկման հետեւանքով Alibaba-ն կորցրել է իր շուկայական կապիտալիզացիան մոտ 25 մլրդ դոլարով, հաղորդում է Lenta.ru-ն:
Ման Չինաստանի ամենահարուստ մարդն է դարձել 2014-ի սեպտեմբերին Նյու Յորքի բորսայում ռեկորդային IPO-ից հետո, որտեղ Alibaba-ն մոտ 25 մլրդ դոլար էր ստացել: