Կոնգրեսական Ռոբերտ Դոլդը նշանակվել է Կոնգրեսում հայկական հարցերով խմբի համանախագահ: ՀՅԴ Հայ դատի Ամերիկայի հանձնախումբը ողջունել է Դոլդի նշանակումը, նշելով, որ նա զգալի ավանդ կներդնի հայկական հարցերով թիմում:
Իր հերթին, խմբի մեկ այլ անդամ՝ Ֆրանք Փալոունն ընդգծել է, որ Դոլդը բազմիցս հայտարարել է Հայոց ցեղասպանության ճանաչման մասին եւ հետեւողականորեն պայքարել ԱՄՆ կողմից Հայաստանի եւ ԼՂՀ-ի հետ հարաբերությունների զարգացման համար:
«Ես պատրաստ եմ նպաստել հայ-ամերիկյան հարաբերությունների ամրապնդմանը եւ աշխատել Կոնգրեսում իմ գործընկերների հետ՝ մարդու իրավունքներն առաջ մղելու համար, լույս սփռել ցեղասպանության ժխտման վրա եւ ընդգծել Հայոց ցեղասպանության մասին բանաձեւի ընդունումը այդ իրադարձությունների 100-րդ տարելիցին»,-հայտարարել է Դոլդը: