Apple ընկերության բաժնետոմսերը 120 դոլար ցուցանիշով նոր ռեկորդ են սահմանել հունվարի 30-ին Nasdaq բորսայում։
Ընկերության արժեթղթերը թանկանում են 2014թ. հոկտեմբեր—դեկտեմբերի ֆինանսական հաջող հաշվետվության հրապարակումից հետո։ Եռամսյակի ընթացքում Apple –ը 18 միլիարդի ռեկորդային եկամուտ է ստացել եւ կարողացել վաճառել 74,5 մլն iPhone՝ գերազանցելով մասնագետների կանխատեսումները, հայտնում է Lenta.ru-ն։
Տարեսկզբից ի վեր ընկերության բաժնետոմսերն աճել են գրեթե 8%-ով, իսկ 2014 թ. ընթացքում՝ 40%-ով։ Apple-ի կապիտալիզացիան գնահատվում է 688 մլրդ դոլար։