Հայկական դրամի փոխարժեքի անկումը կարող է բացասաբար անդրադառնալ հայկական բանկերի կապիտալի համարժեքության վրա: Այս մասին ասված է Fitch վարկանիշային գործակալության հերթական վերլուծության մեջ:
Պատճառ կարող է դառնալ ֆինանսական հատվածի դոլարացման բարձր մակարդակը, որը կարող է տուժել ազգային արժույթի անկման հետեւանքով: Տնտեսական ակտիվության անկման հետ մեկտեղ, կարող է աճել չաշխատող վարկերի ծավալը:
2014 թվականի դեկտեմբերի վերջին Կենտրոնական բանկը բանկերի կապիտալը 5-ից հասցրեց 30 մլրդ դրամի, ինչը կարող է հանգեցնել այդ հատվածում որոշակի կոնսոլիդացիայի:
Հայաստանի Կենտրոնական բանկը վերջին ամիսներին երկու անգամ բարձրացրեց վերաֆինանսավորման դրույքաչափը՝ հասցնելով 9.5%-ի: