Ռուսաստանում գործարար Դավիթ Բադիկյանը արտասահմանյան անձնագիրը փոխելիս անսպասելիորեն տեղեկացել է, որ ինքը նստած է բանտում։ Ընդ որում, ՔԿԱԳ տվյալների համաձայն՝ ինքը դեռ 2 տարի էլ պիտի անցկացնի բանտում՝ մինչեւ 2017թ։
Ինչպես պարզվել է, ոմն խաբեբա «գողացել» է մոսկվայաբնակ Դավիթի տվյալները, կեղծել նրա անձնագիրը եւ ուրիշի անվան տակ երկու դատվածություն ստացել։
Դատարանում Դավիթին խոստացել են օրենքով նախատեսված կարգով բողոքարկել սխալ դավաճիռը։ Բադիկյանները դատախազությանը կարող են բավարար քանակի ապացույցներ ներկայացնել։ Այն ժամանակահատվածում, որը Բադիկյանն իբր բանտում է անցկացրել, նա հասցրել է ամուսնանալ։ Վիզան եւ լուսանկարները վկայում են այն մասին, որ Դավիթը մեղրամիսն անցկացրել է Եգիպտոսում։ Ավելին, նրանց ընտանիքն արդեն համալրվել է երկու երեխայով, տեղեկացնում է «Զվեզդա» հեռուստաալիքը։
Կեղծ Դավիթին արդեն հայտնաբերել են, եւ ուրիշի տվյալները գողանալու համար նրա ազատազրկման ժամկետը կերկարաձգվի արդեն նոր հոդվածով։