Վրաստանի ոստիկանությունը Թուրքիայի քաղաքացի Յուսուֆ Օ.-ի մոտից 9,6 հազար հատ «Տրամադոլ» տեսակի դեղահաբ են առգրավել, որը նա Վրաստանի տարածքում մտադիր էր հասցնել Հայաստան: Այս մասին, այսօր՝ փետրվարի 16-ին, հաղորդել է Վրաստանի ՆԳՆ մամուլի ծառայությունը:
Ըստ այդմ, Թուրքիայի քաղաքացին ձերբակալվել է «Սարփի» սահմանային անցակետում, անմիջապես թուրք-վրացական սահմանը հատելուց հետո, հաղորդում է «Նովոստի Գռուզիան»:
«Իրավապահները նրա բեռնատար ավտոմեքենան խուզարկելիս առգրավել են 9 հազար 600 հատ «Տրամադոլ» տեսակի դեղահաբ, որոնք, ըստ փորձաքննության արդյունքի, 480 գրամ թմրանյութ են պարունակում»,-ասվում է հաղորդագրությունում:
Դեպքի առթիվ հարուցվել է քրեական գործ: