Volkswagen-ը լրագրողներին է ներկայացրել Passat մոդելի արտաճանապարհային տարբերակը, որը ստեղծվել է Passat Variant ստանդարտ ունիվերսալի հիման վրա, հաղորդում է LiveCars.ru-ն։
Alltrack տարբերակը ստանալու է արտաքին ավելի ազդեցիկ տեսք եւ նմանվելու է սովորական արտաճանապարհայիններին։
Շարժիչն ամբողջովին փոխառված է Passat Variant ստանդարտից։ Մեքենան սարքավորված է լինելու 1,4 եւ 2 լիտրանոց շարժիչներով, որոնք զարգացնում են մինչեւ 150 եւ 200 ձիաուժ հզորություն, նաեւ երեք տեսակի դիզելային շարժիչներով՝ 2 լիտր աշխատանքային ծավալով, 150, 190 եւ 240 ձիաուժ հզորությամբ։