ՌԴ նախագահ Վլադիմիր Պուտինը չորեքշաբթի հայտարարել է, որ Կիեւի կողմից Դոնբասի գազմատակարարումը դադարեցնելուց «ցեղասպանության հոտ է գալիս»։
«Բավական չէ, որ Դոնեցկում եւ Լուգանսկում սով է տիրում։ ԵԱՀԿ-ն արդեն արձանագրել է, որ այնտեղ հումանիտար աղետ է, դեռ ուզում եք գազամակատարարու՞մը դադարեցնել։ Դրանից «ցեղասպանության հոտ է գալիս»,- հայտարարելէ Պուտինը կիպրոսցի իր գործընկեր Նիկոս Անաստասիադիսի հետ ունեցած համատեղ մամուլի ասուլիսի ժամանակ, գրում է «ՌԻԱ Նովոստի»-ն։
Պուտինը նշել է, որ երբ ինքը այս հարցը բարձրացնում է ուկրաինական կողմի հետ բանակցությունների ժամանակ, իրեն պատասխանում են. «Իրենք են պատերազմում եւ մենք նրանց համար ոչինչ չենք վճարի»։
Պուտինը նշել է, որ Դոնեցկում եւ Լուգանսկում զենքով պայքարողներից բացի, կան նաեւ անպաշտպան մարդիկ, որոնք տառապում են ստեղծված իրավիճակից։