ՌԴ ԱԻՆ ավտոշարասյունը հումանիտար օգնություն է տանում Դոնբաս, գրում է «ՌԻԱ Նովոստի»-ն։
«Ավելի քան 170 ավտոմեքենա է դուրս եկել Ռոստովի շրջանից եւ ուղղվում է դեպի ռուս-ուկրաինական սահման»,- հայտարարել է ՌԴ ԱԻՆ Ճգնաժամային իրավիճակների կառավարման ազգային կենտրոնի փոխնախագահ Օլեգ Վորոնովը։
Ռուսական աղբյուրի փոխանցմամբ՝ շարասյունը Դոնեցկի եւ Լուգանսկի առավել տուժած բնակիչների համար ավելի քան 1.8 հազար հումանիտար բեռ է տանում, որոնց ավելի քան 80 տոկոսը սննդամթերք՝ մսի, ձկան եւ կաթնային պահածոներ, մանանա, հնդկաձավար, բրինձ, շաքար, ինչպես նաեւ դեղորայք, առաջին անհրաժեշտության պարագաներ, գրքեր եւ ուսանողների ու աշակերտների համար ուսումնական ձեռնարկներ։
Նշենք, որ ուկրաինական կողմը պարբերաբար հայտարարում է, որ մարդասիրական օգնության անվան տակ Կրեմլը զենք ու սպառազինություն է ուղարկում հակամարտության գոտի: