Ոստիկանության Երեւան քաղաքի վարչության օպերատիվ կառավարման կենտրոնից, փետրվարի 27-ին՝ ժամը 00։25-ին, Շենգավիթի բաժնում հաղորդում է ստացվել, որ իրենց է զանգահարել 44-ամյա Արմինե Գ.-ն եւ հայտնել, որ հարեւանի բնակարանը փորձում են թալանել:
Ոստիկանության մամուլի ծառայությունից հայտնում են, որ mեկնած օպերատիվ խումբը Երեւանի Մանթաշյան փողոցի 1-ին նրբանցքի 6-րդ շենքի բնակարաններից մեկի դուռը բանալիով բացելու պահին բռնել եւ, բնակարանային գողության փորձ կատարելու կասկածանքով, բերման է ենթարկել 54-ամյա Հարություն Գ.-ին:
Ժամը 01։30-ին Արմինե Գ.-ն հաղորդում է տվել, որ ժամը 00։25-ին իրենց շենքի 3-րդ հարկում ձայներ լսելիս նկատել է, որ շենքի 40 բնակարանի հարեւան Նարինե Ա.-ի բնակարան մի անծանոթ անձնավորություն փորձում է բանալիով բացել, սակայն ոստիկանության ծառայողների կողմից բռնվել է:
Հարություն Գ.-ն ձերբակալված է: Կատարվում է քննություն:
