Փետրվարի 20-ի նախօրեին ժողովրդի ոգեւորութունը տեսնելով՝ Սերժ Սարգսյանը գլխատեց «Բարգավաճ Հայաստան» կուսակցությանը, քանի որ հասկանում էր՝ իրադարձությունների այլ զարգացման դեպքում ոչ ուժային կառույցները, ոչ կրիմինալը ոչինչ չէին կարող անել մարդկային ծովի առջեւ։ Այդ մասին Երեւանում ընթացող հանրահավաքում հայտարարել է ՀԱԿ խմբակցության ղեկավար Լեւոն Զուրաբյանը։
Նրա խոսքով, Սերժ Սարգսյանը կարող է շարքից հանել որոշակի քաղաքական ուժերի, բայց չի հասկանում, որ ժողովուրդը կայացրել է իշխանափոխության վճիռը։ Լեւոն Զուրաբյանը մարտի 1-ն անվանել է «ժողովրդին եւ հայկական ժողովրդավարությունը գնդակահարելու օր, երբ իշխանություններն արյան մեջ հեղեղեցին ազատության համար ժողովրդի պայքարը»։ Նա նաեւ կոչէ արել հանրահավաքային պայքարը շարունակելու, որը պետք է բերի սահմանադրական բարեփոխումների խափանման։ Ըստ Զուրաբյանի, հենց սահմանադրականբարեփոխումներն են իշխանությունների վերարտադրման միակ եղանակը եւ հենց այդ պատճառտով պետք է խափանել դրանց իրականացումը։
Հայաստանի Ժողովրդական կուսակցության նախագահ Ստեփան Դեմիրճյանն իր հերթին նշել է, թե անցած յոթ տարիներին իշխանություններն արեցին ամեն ինչ, որ 2008թ. մարտի 1-ի դեպքերի կզմակերպիչները չհայտնաբերվեն եւ չպատժվեն։