Ատոմային էներգիայի միջուկային գործակալությունը Իրանից պահանջում է արագացնել իրանի միջուկային ծրագրի հնարավոր ռազմական ուղղվածության հարցերի շուրջ աշխատանքները։ Այս մասին հայտարարել է գործակալության գործադիր տնօրեն Յուկիա Ամանոն ԱԷՄԳ ղեկավարող Խորհրդի նիստում։

 «Այդ գործընթացը չի կարող անվերջ շարունակվել։ Իրանը մինչեւ հիմա մեզ անհրաժեշտ բացատրություններ չի տվել, որոնք թույլ կտային ԱԷՄԳ-ին պարզաբանել դեռեւս 2014թ. մայիսին համաձայնեցված երկու գործնական հարցերը։ Իրանը նաեւ առաջարկներ չի արել նոր գործնական միջոցների հարցով»,- մեջբերում է Ամանոյի հայտարարությունը ՏԱՍՍ-ը։

Նրա խոսքով՝ ԱԷՄԳ-ը եզրակացություն կկազմի իրանի միջուկային ծրագրի հարցով միայն վիճելի հարցերի շուրջ պարզաբանումներ լսելուց հետո։