ԱՄՆ Հայկական երիտասարդական ֆեդերացիայի արեւմտյան թեւի ավելի քան 60 անդամ Լոս Անջելեսի Staples Center մարզահրապարակում մասնակցել են ակցիայի, որի նպատակն է եղել ուշադրություն հրավիրել Հայոց ցեղասպանությանը։ Ակցիան կազմակերպվել էր «Գործողության 100 օր» (The 100 Days of Action) միջոցառման շրջանակներում։

Ցուցարարները ակցիայի ժամանակ վայր են ընկել՝ մահացած ձեւանալով։ «Մենք այսօր հավաքվել ենք այստեղ, որպեսզի մեր ազգը ոչնչացնելու Օսմանյան փորձերից 100 տարի անց ցուցադրենք հայ երիտասարդության դիմացկունությունը»,- հայտարարել է կազմակերպության անդամ Րաֆֆի Սենեքերիմյանը ։

Ակցիայից հետո մասնակիցները անցել են Լոս Անջելեսի փողոցներով։