ԱՄՆ-ում երեք զինված անձ թալանել են ոսկյա սալիկներ տեղափոխող ֆուրգոնը: Այս մասին գրում է Reuters-ը: Գողոնի արժեքը կազմում է 4 մլն դոլար:
Միջադեպը տեղի է ունեցել մարտի 1-ին Հյուսիսային Կարոլինայի I-95 ավտոմայրուղու վրա: Ոսկով եւ արծաթով բեռնված ֆուրգոնը Մայամիից ուղեւորվում էր Մասաչուսեթս: Վարորդը տեխնիկական անսարքությունների պատճառով ստիպված էր կանգնեցնել մեքենան Ռոլի քաղաքից 50 կմ հեռավորթյան վրա, գրում է Lenta-ն:
Այդ պահին բեռնատարին է մոտեցել սպիտակ մի ֆուրգոն, որից դուրս է եկել 3 զինված անձ, պառկեցրել բոլորին եւ կապել նրանց ձեռքերը: Այնուհետեւ զենքի սպառնալիքով անտառ տարել ֆուրգոնը հսկող 2 անվտանգության աշխատակիցներին եւ գողացել ոսկե եւ արծաթե սալիկները:
TransValue փոխադրամիջոցային ընկերությունը, որին պատկանում է ֆուրգոնը, խոստացել է 50 հազար դոլար վճարել չարագործներին բռնելու դիմաց:
