Լոս Անջելեսում նախօրեին ոստիկանների կողմից սպանված անտուն մարդը Ֆրանսիայի քաղաքացի է, հաղորդում է The Los Angeles Times թերթը: Նրա անունը Շառլի Սատյուրմին Ռոբինե է:
2000 թվականին նա մեղադրվել է Wells Fargo բանկի մասնաճյուղը թալանելու մեջ: Նա այդ հանցագործությունն իրականացրել է հանցակիցների հետ միասին: Հանցագործության ժամանակ Ռոբինեն ատրճանակով հարվածել է գանձապահներից մեկին՝ դանդաղ շարժվելու համար:
Երբ հանցագործներին ձերբակալել են, նա հայտարարել է, որ գնացել է այդ քայլին, որպեսզի վճարի դերասանական վարպետության դասընթացների համար: Ռոբինեին դատապարտել են 15 տարվա ազատազրկման, իսկ 2014-ի մայիսին նա ազատ է արձակվել, հաղորդում է Gazeta-ն:
Ավելի վաղ հաղորդվել էր, որ 39-ամյա անտուն տղամարդն սպանվել է Սքիդ Ռոուի շրջանում ոստիկանների հետ ծեծկռտուքի ժամանակ:
