Ֆրանսիայում արտասովոր դեպք է գրանցվել. փոստատան աշխատակիցը մոտ 13 հազար նամակ է գողացել, հաղորդում է Agence France-Presse-ը:
Իրավախախտը մերկացվել է եւ պատժվել: Ֆրանսիական դատարանը փոստատարին դատապարտել է 6 ամսվա պայմանական ազատազրկման, ինչպես նաեւ պարտավորեցրել է 4 հազար եվրո տուգանք վճարել:
Գործատուները հավաստիացրել են, որ գողացված բոլոր նամակները կգտնեն իրենց հասցեատերերին: Դրանցից ամենահինը 2001 թվականի է, հաղորդում է Informing-ը:
Պարզվել է, որ փոստատարին պարզապես դուր է եկել որոշակի նամակների ձեւն ու գույնը, դրա համար էլ դրանք իր մոտ է պահել: Երկար տարիներ նա նամակները պահել է իր տան խորդանոցում:
