Ադրբեջանցիները սահմանին չեն հանգստանա, դիմացը ապրիլի 24-ն է: Այս մասին այսօր՝ մարտի 4-ին, ԱԺ-ում լրագրողների հետ զրույցում նշեց ՀՀԿ խմբակցության պատգամավոր, Սեդրակ (Սեյրան) Սարոյանը:
«Պատերազմը ե՞րբ ա պրծել, պատերազմը երբեք չի պրծել: Բա թուրքը կարա՞ հանգստանա ցեղասպանություն անողը», - ասաց Սարոյանը:
Նրա կարծիքով, ապրիլի 24-ին ընդառաջ սահմանային միջադեպերը կարող են ակտիվանալ. «Մենք էլ ենք սպասում: Ինչքան որ էդ oրերը մոտենում ա, իրանց թրքությունը պիտի ցույց տան»:
Հարցին, թե արդյոք դա կարող է նշանակել լայնամասշտաբ պատերազմական գործողությունների վերսկսում, Սարոյանը պատասխանեց. «Չէ, չի լինի: Չեն փորձի, ռիսկ չեն անի: Իրանց մոտ էլ հիմա ներքաղաքական իրավիճակը էն չի, իրանց մանաթը երեսուն տոկոսով ընկել ա»: