Երեք ուժեր՝ տարբեր, շատ հարցերում իրար հակասող հայացքներով, կարողացան հաղթել նեղ կուսակցական շահերին եւ Եվրոպական Ժողովրդական կուսակցության (ԵԺԿ) բանաձեւը ստանալ: Այս մասին փետրվարի 4-ին խորհրդարանում հայտարարեց «Ժառանգություն» խմբակցության ղեկավար Ռուբեն Հակոբյանը՝ մեկնաբանելով Հայոց ցեղասպանության մասին ԵԺԿ ընդունած բանաձեւը:
Այսքան տարբեր քաղաքական ուժերը, ինչպիսիք են «Ժառանգություն»-ը, Հանրապետական կուսակցությունն ու «Օրինաց երկիր»-ը, որոնք Հայաստանից ԵԺԿ անդամ են, կարողացան ներկայանալ միասնական նախագծով: «Դա նշանակում է, որ կան հարցեր, որտեղ ազգային շահերը պետք է գերիշխեն նեղ կուսակցական շահերին»,- հայտարարեց Հակոբյանը:
Հիշեցնենք, որ նախօրեին՝ մարտի 3-ին, խորհրդարանի փոխխոսնակ, ՀՀԿ ներկայացուցիչ Էդվարդ Շարմազանովն ընդգծել էր, որԵԺԿ բանաձեւում օգտագործված են նույն եզրույթները, ինչ Ցեղասպանության 100-րդ տարելիցի Համահայկական հռչակագրում, որն ընդունվել է Հայաստանի նախագահ Սերժ Սարգսյանի մասնակցությամբ: Բանաձեւում օգտագործված են «Ցեղասպանություն» եւ «Հայրենազրկում» եզրույթները:
