Խաղաղօվկիանոսյան Նաուրու պետության իշխանությունները կալանավորել են 183 փախստականների՝ ապօրինի ներգաղթյալների համար նախատեսված ավստրալական ճամբարում բողոքի ակցիայի մասնակցելու համար, որոնք փորձել են հասնել Ավստրալիա: Այս մասին, այսօր՝ մարտի 5-ին հաղորդել է Sydney Morning Herald-ը:
Նաուրուի իշխանությունները հայտարարել են, որ 140 ձերբակալվածներ, որոնք պահանջել են իրենց ուղարկել Ավստրալիա, արդեն ազատ են արձակվել: Միաժամանակ փախստականների փաստաբանները հայտարարել են, որ դեռեւս 150 մարդ մնում է անազատության մեջ:
Նաուրուի կառավարության մամուլի քարտուղարը կոչ է արել միգրանտներին հարգել երկրի օրենքները: «Սա փախստականների խնդիրը չէ, այլ օրենքի ու կարգուկանոնի: Մենք բոլոր մարդկանց հավասար ենք վերաբերվում՝ լինեն տեղի բնակիչներ, թե փախստականներ»,-ասել է նա, պարզաբանելով, որ փախստականները կալանավորվել են, քանի որ նրանք փակել են կղզու հիմնական մայրուղին:
Այս պահին փախստականների ճամբարում ապրում է 800 մարդ, որոնք հիմնականում Ասիայի աղքատ երկրներից են:
