Գորիսում տղամարդը դանակի հարվածներ է հասցրել կնոջը: Մեր տեղեկություններով՝մարտի 4-ին, ժամը 13.50-ի սահմաններում «Գորիսի» հիվանդանոցից հաղորդում է ստացվել, որ դեմքի վնասվածքով իրենց մոտ բուժօգնության է դիմել մի կին:
Պարզվել է, որ նա՝ ամուսնու հետ, բարեկամին տեսակցելու նպատակով գնացել է «Գորիսի» բ/կ, որտեղ վերելակի մեջ, վիճաբանության ժամանակ, վերջինս երկու անգամ դանակով հարվածել է կնոջ դեմքին:
NEWS.am-ի թղթակցին ոստիկանությունից հայտնեցին, որ վերջինս հրավիրվել է բաժին եւ ներկայացրել դանակը: Նշանակվել է դատաբժշկական փորձաքննություն,կատարվում է հետաքննություն:
Շրջանառվող տեղեկությունների համաձայն՝ տղամարդու նման քայլի պատճառը խանդն է:
