Անվտանգության հարցերի միջազգային համաժողովին, որը Ռուսաստանի Պաշտպանության նախարարությունն անցկացնելու է ապրիլին, Մոսկվայում, Ուկրաինայի ներկայացուցիչ չի մասնակցելու: Այս մասին հայտարարել է Ռուսաստանի պաշտպանության փոխնախարար Անատոլի Անտոնովը:
«Այս փուլում, Ուկրաինայի հարավ-արեւելքում տիրող ճգնաժամի առիթով տեղեկատվական խիստ առճակատման պատճառով, որոշել ենք համաժողովի ընթացքում չափազանց չսրել իրավիճակը եւ միջոցառմանը չհրավիրել մեր ուկրաինական գործընկերներին»,- ասել է ԱնտոնովըԼ
Ըստ ՌԻԱ Նովոստիի, պաշտպանության փոխնախարարը նաեւ տեղեկացրել է, որ համաժողովը կայանալու է ապրիլի 16-17-ին: 2015 թվականի համաժողովի գլխավոր թեման լինելու է «Գլոբալ անվտանգությունը. մարտահրավերներ եւ հեռանկարներ»: Այն անցկացվելու է «Ուկրաինա» հյուրանոցի շենքում: Համաժողովին մասնակցության հրավեր է ուղարկվել շուրջ 80 պետության:
