Շուրջ 12 հազար ուղեւոր մնացել է Կատմանդուի օդանավակայանում, որը փակվել է մարտի 4-ին Turkish Airlines-ի օդանավի կատարած կոշտ վայրէջքից հետո։

Ստամբուլից մեկնած Turkish Airlines-ի ինքնաթիռը վայրէջք կատարելիս դուրս էր եկել թռիչքուղուց։ Ուղեւորները տարհանվել էին դեպքի վայրից։ Ըստ տարբերի տեղեկությունների՝ օդանավում եղել է 224-248 ուղեւոր։

Մարտի 5-ին դեպքի վայր էին ժամանել Հնդկաստանի ՌՕՈՒ մասնագետները՝ թռիչքուղուց վթարային ինքնաթիռը դուրս բերելու համար։ Կոշտ վայրէջքի հետեւանով վնասվել էր ինքանթիռի առաջնային շասին եւ շարժիչը, տեղեկացնում է «ՌԻԱ Նովոստի»-ն։

Նեպալի թռիչքուղիները նույնիսկ ամենափորձառու օդաչուների համար աշխարհում ամենաբարդերից մեկն են համարվում, քանի որ հաճախ գտնվում են ձյունապատ լեռների մոտակայքում։