Իրավիճակը ղարաբաղյան հակամարտության գոտում անկայուն է մնում։ Այդ մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Ալեքսանդր Լուկաշեւիչը։
«Տարեսկզբից դիտարկվող սրացումից հետո փետրվարի երկրորդ կեսին որոշակի դադար է գրանցվել։ Դա խոստովանել են կողմերը ԵԱՀԿ գործող նախագահի անձնական ներկայացուցիչ Ա.Կասպշիկի խմբի կողմից փետրվարի 20-ին անցկացրած դիտարկումից հետո։ Սակայն վերջին տվյալները՝ ստացված մարտի սկզբին, վկայում են հրադադարի ռեժիմի խախտման հետագա բռնկման մասին։ Ցավոք, կան զոհվածներ»,- ասել է Լուկաշեիչը։
Նա նաեւ նշել է, որ երեկ Կասպշիկը դիտարկում է անցկացրել շփման գծում։ «Համապատասխան զեկույց է կազմվելու։ Կարծում եմ՝ իրավիճակի մասին ավելի հանգամանալից տեղեկություններ կարելի է ստանալ ԵԱՀԿ դիտարկողներից։ Կղմերին կոչ ենք անում զսպվածություն ցուցաբերել, թույլ չտալ լարվածության հետագա սրում, հավատարիմ մնալ հակամարտության կարգավորման խաղաղ ճանապարհին»։
