ՀՀ Կրթության եւ գիտության նախարար Արմեն Աշոտյանը Մարտի 8-ի կապակցությամբ իր կնոջ համար փոքրիկ, բայց կարեւոր նվեր է պատրաստել, որը, սակայն, գաղտնիք է լրատվամիջոցների համար: Կրթության եւ գիտության նախարարը NEWS.am-ի հետ զրույցում շնորհավորեց բոլոր կանանց մաղթեց առողջություն եւ կանացի երջանկություն:
«Մաղթում եմ, որ կանայք լինեն օջախի լավ ղեկավար, երեխաների լավ դաստիարակ եւ ուղղակի երջանիկ անձնավորություններ: Շատ կարեւոր է , որ մենք ձեզ հիշենք ոչ միայն այս միամսյակի ընթացքում, այլեւ առհասարակ»,-ասաց նախարարը:
Նախարարի նշեց, որ ինքը երջանիկ է, որ աշխատում է մի ոլորտում, որտեղ կաննաց ներգրավածությունն ամեննամեծն է:
«Այս առումով ինձ շատ հաճելի է աշխատել կրթության ոլորտում, որովհետեւ ամենամեծ թվով կանայք այս ոլորտում են աշխատում: Մենք առաջատար ենք եւ սա շատ բնական է, որովհետեւ դաստիարակությունը, կրթությունը ծանր գործ է, իսկ տղամարդիկ ծանր գործերը թողնում են կանանց»,-ասաց նախարարը:
Արմեն Աշոտյանը Մարտի 8-ի կապակցությամբ շնորհավորեց նաեւ բոլոր կին պատգամավորներին, այդ թվում Նաիրա Զոհրաբյանին՝ չցանկանալով անդրադառնալ նրա ԲՀԿ նախագահ ընտրվելուն: