Նախագահ Սերժ Սարգսյանը Նավրոզի առթիվ շնորհավորական ուղերձ է հղել Հայաստանի քրդական համայնքին:
Հանրապետության նախագահը համայնքի ներկայացուցիչներին մաղթել է ընտանեկան երջանկություն եւ ամենայն բարիք՝ ցանկանալով, որ Նավրոզը՝ գարնանային վերազարթոնքը, Հայաստանի քրդերի համար լինի ուրախության եւ ձեռքբերումների տարվա խորհրդանիշ, բոլոր մեծ ու փոքր փորձությունները մնան անցյալում, եւ բոլոր բարի ձեռնարկներում քրդական համայնքին ուղեկցեն հաջողությունները:
