Մարտի 20-ին, ժամը 09.46-ին, մի քաղաքացուց ոստիկանության Երեւան քաղաքի վարչության օպերատիվ կառավարման կենտրոն ահազանգ է ստացվել, որ զենք եւ զինամթերք է թողնում Վարդանանց փողոցի 15 հասցեում գտնվող կիսակառույց սրճարանի տարածքում:
Ոստիկանության լրատվության վարչությունից հայտնում են թե մեկնած օպերատիվ խումբը նշված վայրում, պոլիէթիլենային տոպրակում, հայտնաբերել է ինքնաշեն ատրճանակ, փամփուշտի շղթա` 7.62 մմ տ/չ 25 փամփուշտով, նռնակի 4 պայթուցիչ, ուսումնական 3 նռնակ եւ 7.62 մմ տ/չ 165 փամփուշտ:
Հայտնաբերվածն ուղարկվել է փորձաքննության:
Նախապատրաստված նյութերն ուղարկվել են ոստիկանության Կենտրոնական բաժին: