«Իրազեկ Քաղաքացիների Միավորումը» տեսանյութ է պատրաստել, որտեղ ներկայացվում է, թե ինչպես հունվարի 12-ին Գյումրիում տեղակայված Ռուսական 102-րդ ռազմակայանի հրամանատարության անգործության արդյունքում հնարավոր եղավ Ավետիսյանների ընտանիքի սպանությունը:
Տեսանյութում մանրամասն ներկայացված են նաեւ ռուս զինծառայող Վալերի Պերմյակովին հայկական կողմին փոխանցելու իրավական հիմքերը:
Տեսանյութում թվարկվում են հայ-ռուսական միջպետական այն պայմանագրերը եւ այն դրույթները, որոնք ռուսական կողմից խախտվել են Պերմյակովի՝ զենքով փախուստի մասին չհայտնելու, նրա որոնմանը զենքով մասնակցելու եւ նրան հայկական կողմին չփոխանցելու արդյունքում:
