Հայոց ցեղասպանության 100-րդ տարելիցը ստվերելու համար Թուրքիայի նախագահ Ռեջեփ Թայիփ Էրդողանի կողմից Չանաքալեի ճակատամարտի 100-ամյակին մասնակցելու համար 102 երկրների առաջնորդներին ուղղված հրավերի բացասական պատասխանները մեծ թիվ են կազմում։

Թուրքական Cumhuriyet պարբերականի փոխանցմամբ՝ թուրքական իշխանությունները  սկզբում հայտարարել էին, թե հրավեր են ուղարկել 102 երկրի առաջնորդի, այժմ այդ թիվը պակասել է եւ կազմում է 77։

Ցուցակից երկրների առաջնորդների պակասը լրացնելու համար Թուրքիայի իշխանություններն ամեն ինչ անում են նոր երկրների այդ ցանկում ընդգրկելու համար։

Cumhuriyet-ը հիշեցրել է, որ ապրիլի 24-ին Երեւանում կազմակերպվող միջոցառմանը մասնակցելու մասին արդեն հայտարարել են Ֆրանսիայի ու Ռուսաստանի նախագահները։